Andsetinn ofn
Ofninn í herberginu mínu er andsetinn. Hann hefur algjörlega sjálfstæðan vilja og mig grunar að hann sé að reyna að gera út af við mig.
Það virðist ekki skipta neinu máli hvort hann sé stilltur á hæstu eða lægstu stillingu, hann velur sjálfur hvaða hitastig hann vill hafa.
Ef ég reyni að stilla hann sjálfur hlær hann bara að mér, og er alveg sama hvort ég hækka eða lækka í honum – hann fer algjörlega eftir eigin hentisemi.
Lýsi eftir presti, vígðu vatni og draugalegri tónlist – eða lítið notuðu eintaki af Exorcist til að henda í hann.